Mao ni ang pasko sa dabaw...
mingaw pero sadya. libog no? wala gyud
PABUTO kay kung naa man mosulay ug pabuto, MUBUTO pud ang wait sa
tamparus ni meyor. mas nindot hinuon nga walay pabuto kay ang mga
tawo, mas daghan mapalit nga pagkaon.dili parehas sa una nga nag-awas sa mga
"super lolo" ug "diablo" ang mga putos nga gdala pauli. Pastilan,
singko kilos nga pabuto ang gibitbit pauli pero ang bugas gidala para panihapon or...
para anang gitawag nila'g 'NOTSE BUENA" bali'g usa ra intawon ka kilo.
pakapinan na lang ug noodles ug ketsap arun mailad ang mga bata nga espagheti
ang giandam sa lamesa. karon, kung maobserbahan, nindot kaayo ang pahiyum
sa mga bata, hasta mga edaran (ayaw ng tiguwang nga pulong kay sakit paminawon)
tungod kay makasuroy na sa mga dalan ug mga malls nga dili malubatan
sa mga matamakan nga watusi.
mao ni ang pasko sa dabaw... abunda sa pagkaon,
mingaw nga sadya, layo ra sa disgrasya
kay wala gyud magpabuto maskin asa!!!
maayong pasko sa tanan!!!
No comments:
New comments are not allowed.